Etengabeko bizi-lerroa: Gure parkeko segurtasuna

Abentura parke batean pentsatzen dugunean, zuhaitzetan gora ibiltzeak errespetu pixka bat eman dezake hasieran. Baina Mendexa Abentura Parkean, dibertsioa bezain garrantzitsua da segurtasuna. Gaur, gure sistemarik garrantzitsuena aurkeztu nahi dizugu: etengabeko bizi-lerroa.

Zirkuituetara igotzeko orduan, askoren kezka nagusia izaten da: “Zer gertatzen da irrist egiten badut?”. Erantzuna oso erraza da: ezer ez! Gure sistema fidagarriari esker, % 100eko lasaitasunarekin gozatu ahal izango duzu ibilbide osoan zehar, arrisku barik.

Zer da zehazki etengabeko bizi-lerroa?

Etengabeko bizi-lerroa segurtasun sistema bat da. Funtzionamendua oso sinplea baina izugarri eraginkorra da:

• Lotura bakarra (“C giltza”): Zirkuitu baten hasieran, zure arneseko “C giltza” izeneko pieza segurtasun-kablean sartuko dugu. Une horretatik aurrera, lotuta geratuko zara.
• Askatzerik ez: Behin zirkuituan sartuta, C giltza hori ezin da kabletik atera ibilbidea erabat amaitu arte. Horrek esan nahi du altueran zauden bitartean, ezinezkoa dela kabletik askatzea, nahiz eta nahi izan!
• Mugimendu leuna: C giltza kablean zehar irristatzen da zu aurrera zoazen heinean, trabarik gabe, zirkuituko oztopoak askatasun osoz gainditu ditzazun.

Zergatik da hain garrantzitsua?

Sistema honek abantaila ugari ditu, bai parte-hartzaileentzat eta baita lurrean geratzen direnentzat ere:

• Gurasoentzako lasaitasuna: Umeekin etortzen diren gurasoek askotan galdetzen dute ea txikiek ondo erabiliko dituzten segurtasun sistemak. Metodo honekin, umeak hasieran engantxatzen dira eta amaieran askatu. Tarte horretan, gurasoek argazkiak ateratzera eta txalo egitera soilik bideratu dezakete euren arreta.
• Akatsik ez: Sistema tradizionaletan, bi mosketoi erabili behar dira eta banaka aldatu urrats bakoitzean. Etengabeko bizi-lerroarekin eta gure C giltzarekin, giza-akats hori (biak aldi berean askatzea) erabat desagertzen da.
• Fokua erronkan: Kableak nola lotu behar dituzun pentsatzen egon behar ez zarenez, zure arreta osoa oztopoak gainditzera, oreka mantentzera eta naturaz gozatzera bideratu dezakezu. Zure adimena eta gorputza aske egongo dira abenturaz topera gozatzeko.

Segurtasuna, lehen minututik

Zuhaitzetara igo aurretik, gure taldeak azalpen labur bat (briefing) emango dizu lurrean. Bertan, arnesa nola jantzi eta C giltza kabletik nola irristatu behar den erakutsiko dizugu zirkuitu txiki batean probatzeko. Dena ondo ulertu duzunean, zuhaitzetan gora egiteko prest egongo zara!

Guretzat zuen segurtasuna da abenturaren oinarria. Prest zaude ardurarik gabe zuhaitz artean mugitzeko?